我地一家三口去過四個國家，三個都係冬天，因此新手媽媽總結咗一啲寶寶保暖嘅小心得，特別適合冬天室內有暖氣，室內室外溫差大嘅國家。
小孩保暖法則：
*粟米+洋蔥穿衣法 - 外厚内薄+可一層一層脱掉。
*謹記兩件薄勝過一件厚。
*頭部腳部記得注意保暖。
*肚仔要保暖，年齡較細嘅寶寶可以穿著連身包patpat内衣。
*户外活動記得拉拉鏈/扣鏤，避免入風。
*寶寶手腳比體溫低，摸後頸位比較準確。
最内層：
1. 發熱保暖內衣
店主自己最愛嘅内衣，冬天最凍嘅日子，基本上只有沖涼時會離開我嘅身體過咗兩個冬天，豆豆都有著，天氣涼嘅日子可以先著發熱内衣再加一件棉質底衫。
（最近有報道指出發熱内衣容易導致皮膚敏感，大家可以先衡量自己/小朋友嘅皮膚狀況再決定。）
2. 棉質底衫
非常百搭嘅内衣，如果天氣不太凍，單穿一件再加一件衛衣都足夠。天氣比較寒冷嘅時候，就可以再加羊毛内衣或者發熱保暖内衣。
3. 羊毛内衣
真係好保暖的，除非天氣非常寒冷或者比較多户外活動，否則外面唔需要著太多衫。而且皮膚特別敏感/濕疹寶寶要特別留意呀！
我買嘅呢款羊毛內衣聲稱濕疹肌嘅寶寶都適合，豆豆都屬於輕微濕疹底，著咗兩年都暫時無過敏情況，大家可以參考一下。
下半身：
1. 褲+襪褲/發熱保暖打底褲 - 韓國/日本嘅冬天隨時零下幾度，保持隻腳仔溫暖好重要。建議大家可以挑選一條比較厚身嘅褲仔，裡面再加條襪褲/發熱褲，咁就唔怕透風了。
2. 夾抓毛/絨毛褲
建議可以先選購一至兩條。因為一般比較厚身，如果身處有暖氣嘅室內，或者香港嘅冬天，對怕熱嘅寶寶來說，可能會太熱啊！
3. 厚襪仔 - 腳掌離心臟最遠所以特別容易凍，著多對襪仔就可以保持腳仔暖暖！
外層：
1. 厚針織外套 - 雖然係寒冷嘅天氣底下，保暖作用有限，但著係中層，出入係室內有暖氣嘅環境底下同寒冷嘅室外地方之間，可加可減。
2. 夾棉/羽絨背心 - 同厚針織外套作用相似，優勝之處係比較輕便。
3. 毛毛褸/夾毛褸 - 此類型嘅褸非常保暖，但如果遇上下雨天或者落雪就不太適合了。
4. 羽絨/防水厚身風褸 - 不用多說，冬天必備嘅褸，擋風擋（毛毛）雨都無問題。我地去冬天國家必備嘅單品！
其他：
1. 帽（一定要蓋過耳朵）- 小寶寶嘅頭髮一般都比較稀薄，如果吹親個頭仔好易病，所以一定要戴返頂帽啊！
2. 小棉被 - 如果寶寶大多時間都會坐bb 車或者daddy mammy會用孭帶孭住寶寶的話，一張小棉被可以包住寶寶擋風保暖。
3. 手套/頸巾- 呢兩樣好取決於寶寶本身嘅喜好有小寶寶會好抗拒呢！
穿搭示範1:
氣溫：攝氏3-7度
環境：海邊，非常空曠，超級大風
室內穿搭：（上身）羊毛內衣+棉質內衣+衛衣
(下身）夾抓毛褲+厚襪仔

室外穿搭：（上身）羊毛內衣+棉質內衣+衛衣+夾棉背心外套+羽絨
(下身）夾抓毛褲+厚襪仔
(其他）冷帽
穿搭示範2:
氣溫：攝氏9度
環境：郊外，陽光普照
室內穿搭：（上身）棉質内衣+衞衣
(下身）厚棉質褲+厚襪仔
室外穿搭：（上身）棉質内衣+衞衣+羽絨
(下身）厚棉質褲+厚襪仔
穿搭示範3:
氣溫：攝氏7度
環境：陰天，微風

室內穿搭：（上身）羊毛內衣+棉質有領上衣+厚針織外套

室外穿搭：（上身）羊毛內衣+棉質有領上衣+厚針織外套+羽絨
(下身）夾毛半截裙+厚襪褲
(其他）冷帽
希望以上嘅小分享可以幫助到各位爸爸媽媽係執行李時更加容易。
祝大家旅途愉快！